॥ শ্রীশিবষড়াক্ষরস্তোত্রম্ ॥

             ॥ শ্রীশিবষড়াক্ষরস্তোত্রম্ ॥

ॐকারং বিন্দুসংযুক্তং নিত্যং ধ্যাযন্তি যোগিনঃ ।

কামদং মোক্ষদং চৈব ॐকারায নমো নমঃ ॥১॥

নমন্তি ঋষযো দেবা নমন্ত্যপ্সরসাং গণাঃ ।

নরা নমন্তি দেবেশং নকারায নমো নমঃ ॥২॥

মহাদেবং মহাত্মানং মহাধ্যানং পরাযণম্ ।

মহাপাপহরং দেবং মকারায নমো নমঃ ॥৩॥

শিবং শান্তং জগন্নাথং লোকানুগ্ৰহকারকম্ ।

শিবমেকপদং নিত্যং শিকারায নমো নমঃ ॥৪॥

বাহনং বৃষভো যস্য বাসুকিঃ কণ্ঠভূষণম্ ।

বামে শক্তিধরং দেবং বকারায নমো নমঃ ॥৫॥

যত্র যত্র স্থিতো দেবঃ সর্বব্যাপী মহেশ্বরঃ ।

যো গুরুঃ সর্বদেবানাং যকারায নমো নমঃ ॥৬॥

ষড়ক্ষরমিদং স্তোত্রং যঃ পঠেচ্ছিবসংনিধৌ ।

শিবলোকমবাপ্নোতি শিবেন সহ মোদতে ॥৭॥

  ॥ ইতি শ্রী রুদ্রযামলে উমামহেশ্বরসংবাদে                                  ষড়ক্ষরস্তোত্রং সম্পূর্ণম্ ॥

© সংগ্ৰহে ও লেখনীতে - নমিতা রায় দেবীজী 

🚩কপিরাইট ও প্রচারে - International Shiva Shakti Gyan Tirtha - ISSGT